![<b>Maja Nagelowa</b> <i>kaskady • kaskaden</i>, Budyšin: LND 2019, 180 str., 978-3-7420-2564-7, 100 € z připołoženej grafiku; 978-3-7420-2563-0, 29,90 €](/epaper/import/20200330120312_EPaperPage_960_1_14597//960_0008_44111_Suchec_Kaskady_kaskadaen_Maja_Nagel_ITX.jpg)
W přirodźe woznamjenjeja kaskady schodźenki we wodopadźe, přez kotrež woda bjez přestaća prudźi. Bjez přestaća prudźa tež wuměłske twórby Maje Nageloweje w běhu wjace hač štyrceći lět wuměłskeho skutkowanja. Tworićelske etapy – časowe kaskady – rjaduja wobšěrnu wobrazowu přehladku. Dohromady wobsahuje kniha šěsć kaskadow a w kóždej su mjez štyrceći do pjećdźesat twórbow wotćišćane, kotrež časowje na so slěduja. Započiwši z prěnjej kaskadu a twórbu »Zwei Vögel« z lěta 1983, slěduja wšě dalše, zakónčiwši ze šestej kaskadu a twórbu »hinfort, na kromje 12« z lěta 2018.