Spektakularny skalny brjog se namakajo na krotkem wjacorje teje kalkowcoweje kupy, na kótarejž bydli něźi 180 luźi. Z tym jo Inis Meáin ta nejmjenjej wobsedlona tych tśich Aran-kupow (Oileáin Árann) a to jo teke śěžko, luźi how trajnje źaržaś. Na wšych tśich kupach ma dogromady něźi 1.200 luźi swójo wobstawne bydleńske sedło. Pódla nich dajo tek wjele, ako na »twardej zemi« źěła a jano w lěśojskich mjasecach na kupach póbywa.
