Moja domizna je w mojej wutrobje

artikel pógódnośiś
(0 )

Moja domizna je w mojej wutrobje

ze mnu pućuje

Jojk je žiwy w mojej domiznje

zbožo dźěći tu klinči

zwony stadła zwonja

psy šćowkaja

laso zynči

W mojim domje

třepotace kromy gákti

cholowy samiskich holcow

hrějace směwki

Moja domizna je w mojej wutrobje

ze mnu pućuje

Ty to znaješ bratře

Ty to rozumiš sotra

ale što praju cuzbnikam

kotřiž so wšudźe rozšěrjuja

kak wotmołwju na jich prašenja

kotřiž přichadźeja z hinašeho swěta

Kak móžu wujasnić

što ze mnu pućuje

kak móžu wujasnić

zo su tu tež druzy žiwi

moji bratřa a moje sotry

Što mam prajić bratře

Što mam prajić sotra

Woni přińdu

a so woprašeja hdźe je twoja domizna

Woni du z papjerami

a praja

tole njesłuša nikomu

tole je zemja knježerstwa

wšitko słuša krajej

Woni njesu stare tołste knihi

a praja

tole je zakoń

a tež za Tebje płaći

Što mam prajić bratře

Što mam prajić sotra

Ty to znaješ bratře

Ty to rozumiš sotra

Ale hdyž so prašeja hdźe je twoja domizna

praj jim to wšitko

na Skuolfedievvá smy naše lávvu natwarili

za čas nalětnjeho pućowanja

na Čáppavuopmi smy naše goahti natwarili

Galerija

Gelesen 435 mal Letzte Änderung am pětk, 28 junij 2019 10:06