Wobraz Ebenezerskich Serbow

artikel pógódnośiś
(0 )
Wjednicy najwuznamnišeje serbskeje wupućowarskeje skupiny do Awstralskeje, naprawo sedźo Jan Dalwica z Chortnicy, pódla njeho sedźo prawdźepodobnje Jan Swora z Droždźija. W lěću 1851 wopušćichu ze skupinu 92 Serbow Łužicu, přewjezechu so na płachtaku »Helena« do Južneje Awstralskeje a załožichu tam sydlišćo a wosadu Ebenezer.   Foto: Serbski kulturny archiw Wjednicy najwuznamnišeje serbskeje wupućowarskeje skupiny do Awstralskeje, naprawo sedźo Jan Dalwica z Chortnicy, pódla njeho sedźo prawdźepodobnje Jan Swora z Droždźija. W lěću 1851 wopušćichu ze skupinu 92 Serbow Łužicu, přewjezechu so na płachtaku »Helena« do Južneje Awstralskeje a załožichu tam sydlišćo a wosadu Ebenezer.   Foto: Serbski kulturny archiw

Wurjadny dokument stawiznow lutherskeho hibanja, zamórskeje­ emigracije a započatkow fotografije w Serbach

W Serbskim kulturnym archiwje chowa so fotografija,1 na kotrejž je zwobraznjenych šěsć mužow srěnjeje staroby. Za »wotmolowanje« je jich fotograf symetrisce do skupiny zestajił. Štyrjo sedźa na stólcach, dwaj za nimi stejitaj. Sebjewědomje hladaja fotografej do kamery. Nažel su mjezwoča njejasne, jenož pola naprawo sedźaceho muža su kontury de­rje spóznać. Wšitcy su njedźelsce zdra­sćeni: Maja kabat zwoblěkany a škórnje wobute. Jednorosć drasty na to pokazuje, zo njesłušeja k bohačkam. Mozlate ruki – wosebje napadnje pola naprawo sedźaceho – wo tym swědča, zo su z dźě­ćacych lět na ćežke ručne dźěło zwučeni. Stejacaj mužej so zepěrataj, lěwy na kij, prawy na ramjeni před nim sedźaceju, zo njebyštaj so při wjacore sekundy trajacym wobswětlenju pohibowałoj. Skupina je zwobraznjena před płotom z drjewjanych łatow, kiž kónča deleka nad kamjentnymi prohami. Woknje w pozadku nam přeradźitej, zo steji tam domske. Dale je spóznać štom, kiž móhł po lisće sudźo lipa abo brěza być. Ha­łuzy leža na konstrukciji ze žerdźow, kotraž­ je z kolikami podeprěta, abo su samo na nju splećene, tak zo šěroku třěchu­ tworja. Připrawa dopomina na chłódnicu w piwowej zahrodźe, kotraž hosćom w lěću přijomne městno skići. Tołsta žerdź pódla naprawo stejaceho muža zda so kaž z banderolu wobwita być a móhła słužić jako sćežor za chorhoj. Wšo na to pokazuje, zo jedna so při twarjenju w pozadku wo zjawnu korčmu, před kotrejž su so mužojo k fotografowanju zešli.

Galerija

  • dalši wobraz (1): dalši wobraz (1)
  • dalši wobrazowy tekst (1):
  • dalši wobraz (2): dalši wobraz (2)
  • dalši wobrazowy tekst (2):
  • dalši wobraz (3): dalši wobraz (3)
  • dalši wobrazowy tekst (3):
  • strDocId: 519ee285 c1f6 4208 baf5 26a84d70b5bf
  • kId:
  • Sonderformat: Standard
Gelesen 320 mal Letzte Änderung am pětk, 06 maj 2022 14:36