Kito Krawc jo był Slěpjański »original«: ludowy gerc, jare mudry, z wjelikim temperamentom a z twerdeju głowu. Narodźił jo se 29. awgusta 1949 na Wobuzoc (Grelic) wyrtšofće w Slěpem, husćony a konfirměrowany był w Slěpjańskej cerkwi. Lubosć za muziku stej jomu do kólebki półožyłej stary nan, znaty fidlaŕ Matej Wobuza, a nan Richard Krawc.

Pó šulskem casu w Slěpem jo chójdźił na Serbsku rozšyrjonu hušu šulu do Chóćebuza. Tam njejo jeno nahuknuł dolnoserbšćinu, ale jo grał klawěr w serbskej muzikowej skupinje a jo dźěłał za serbske radijo. Póten jo se pórał do Drježdźan, aby studěrował, a wót lěta 1970 až do huměnka jo dźěłał hako specialny elektronikaŕ w płunowym kombinaće Carna Plumpa, dźož jo tež drugich hucył.

W lěće 1973 jo ze swójim starym nanom a z jogo kuzenkom, znatym dudakom Hanzom Šusterom, załožył Serbski folklorny ansambel Slěpe. Pomagał jo jim tencas Alfred Janca z Budyskego Statnego ansambela za ludowu kulturu. W tom Slěpjańskem ansambelu jo Krawc dlejko grał hako kontrabasist,

a w swójich póslenich lětach, dyž njejo był wěc tak strowy, jo był gerc folklorneje skupiny towaristwa Kólesko. 14. septembera jo Kito Krawc (Christian Krautz) w starstwje 77 lět humrěł.

JULIANA KAULFÜRSTOWA