Bolosće. Zwotkel wone přińdu a kak na nas skutkuja? Bolosće, hač emocionalneho abo ćělneho razu, agěruja kaž haćidło, kotrež wotběhi ćěła wobćežuje.

Zjewja-li so, wutorhnu nas ze stawa strowoty. Ćěło spyta čłowjekej něšto zdźělić. Wosebje potom, hdyž njeje strowota za jednotliwca samozrozumliwa, ale prašenje wšědneho dnja. Móžnej pospytaj rozrisanja stej posłuchanje a začuwanje. Snano bolosće na něšto pokazaja?

Nazhonjenja nas wuča, zo je ból mjez druhim tež mócna pokazka něčeho, štož mamy w swójskim žiwjenju změnić, snadź samo znowa zrjadować. Druhdy horjo nastawa, hdyž něchtó abo něšto naše hranicy překročuje. Sy telko spóžrěła, tola mócne začuća njejsu wupuć z twojeho ćěła namakali. Abo sy so snadź přežadała, dokelž sy přewjele naraz chcyła. Abo sy cyle jednorje wot swójskeho puća wotbočiła. Zamołwitosć, so luboznje wo sebje a wo swójsku strowotu starać, njeje jara popularna. Hišće mjenje, sebi čas za to zaplanować.