Mjeńšiny jako wobohaćacy wobstatk ludow

artikl hódnoćić
(0 )
Připóznata Němska šula w Hermannsburgu w Južnej Africe njeje jenož pola potomnikow němskich wupućowarjow jara woblubowana, ale tež pola čorneho južnoafriskeho srjedźneho stawa. Po skónčenju Apartheid 1994 poradźi so mnohim čornym swójbam do srjedźneho stawa postupić a pjenjezy za drohe priwatne šule zwjesć.   Foto: Jörg Müller Připóznata Němska šula w Hermannsburgu w Južnej Africe njeje jenož pola potomnikow němskich wupućowarjow jara woblubowana, ale tež pola čorneho južnoafriskeho srjedźneho stawa. Po skónčenju Apartheid 1994 poradźi so mnohim čornym swójbam do srjedźneho stawa postupić a pjenjezy za drohe priwatne šule zwjesć. Foto: Jörg Müller

Pućowanska fotowa wustajeńca »5 x Němska po cyłym swěće« pohnuwa perspektiwu změnić a zwaži sej wid wotwonka

W fotowej přehladce Hamburgskeho fotografa Jörga Müllera widźi wopytowar w prěnim wokomiku wosoby a motiwy we wšědnej wokolinje. Někotři direktnje do kamery hladaja, někotři su zanurjeni do wuknjenja abo dźěła. A tola tworja protagonisća fotow wizuelny móst k wobhladowarjej, dokelž wuhlada často něšto znate. Što to je a štó su tući ludźo?

Hromadźe z Goethowym institutom wustaja Serbski muzej w Budyšinje cyłkownje 99 fotow, kotrež portretuja wšědne žiwjenje potomnikow něhdyšich němskich wupućowarjow, a to nimale jónu wokoło globusa. Započinajo w Litkowce (Ruska) slěduja wobrazy z Wartburga (Južna Afrika), mennonitiskeje wosady Blumenauwa (Mexiko), Pomerody (Brazilska) a Oberwischauwa (Rumunska).

Ze swojej kameru zapopadny Jörg Müller mjez lětami 2014 a 2018 wosoby a motiwy tutych němskorěčnych mjeńšinow we wukraju. Jeho motiwy zdadźa so być we wokomiku zapopadnjene a tak ma wobhladowar móžnosć, koncentrowanych šulerjow wučby němčiny w Litkowskej šuli při wuknjenju wobkedźbować abo so do němskeje Božeje słužby w mennonitiskej wosadźe Blumenau w Mexiku zanurić. Nimo šule a cyrkwje dokumentuja wobrazy tež kulturu jako móžnosć wobchowanja němskich korjenjow. W Pomerodźe, hdźež rěči starša generacija hišće nižoněmsku rěč plat, zetkawaja so wobydlerjo k němskim swjedźenjam z tradicionalnej ludowej hudźbu z bayerskim charakterom a noša při tym dirndl abo kožane cholowy.

Galerija

  • dalši wobraz (1): dalši wobraz (1)
  • dalši wobrazowy tekst (1):
  • dalši wobraz (2): dalši wobraz (2)
  • dalši wobrazowy tekst (2):
  • strDocId: 59edebf8 eae9 4007 b03f 578bd7e0c76e
  • kId:
  • headliner:
  • Sonderformat: Standard
Gelesen 430 mal Letzte Änderung am wutora, 01 měrca 2022 07:07