Maja Nagelowa – Zwischendrin (z rjada Kante), 2018, wuhlo a barbjenčk na płatnje, 68 × 104 cm
Maja Nagelowa słuša k najproduktiwnišim a najbóle prezentnym łužiskim wuměłčam pózdnjeho 20. a zažneho 21. lětstotka. Wuchadźišća wjetšiny twórbow Nageloweje – mólby, grafiki, ilustracije, kolaže kaž tež animěrowane, často hudźbu tudyšich komponistow resp. skupinow zapřijace krótkofilmy –su serbska mytologija a kultura wšědneho dnja runje tak kaž rozestajenje z politiskimi podawki předewšěm kołowokoło brunicy. Naš titulny wobraz wustaja wona přichodnje we wobłuku »Lěta łužiskich Serbow« w Liberecu.
