Diese Seite drucken

Burja pytaja žony – w swinjacym galopje

artikl hódnoćić
(0 )
Wjesna korčma je městnosć, hdźež wulehnje so plan, kak móhli třo burja Jens (István Kobjela, naprawo), Jan (Torsten Šlosar, nalěwo) a Richard (Jurij Šiman, prědku) žonu za žiwjenje nańć.  Foto: NSLDź, Miroslaw Nowotny Wjesna korčma je městnosć, hdźež wulehnje so plan, kak móhli třo burja Jens (István Kobjela, naprawo), Jan (Torsten Šlosar, nalěwo) a Richard (Jurij Šiman, prědku) žonu za žiwjenje nańć. Foto: NSLDź, Miroslaw Nowotny

»Horce plincy« – komedija wot Frederika Holtkampa, zeserbšćiła Lubina Hajduk-Veljkovićowa, režija Rosmarie Vogten­huber j. h., wuhotowanje Franz Gronemeyer j. h., premjera 26. septembra 2020 w Dźiwadle na hrodźe Budyskeho NSLDź

Jako zazběh k nowej hrajnej dobje – po abo lěpje: z koronu – pokaza serbske powołanske dźiwadło wjeselohru wuspěšneho spisowaćela, kotryž pod pseudonymom Holtkamp wot lěta 2010 dramatiske kruchi pisa. »Horce plincy«, w němskim originalu »Landeier« (potajkim skerje »Wjesne plincy«), běše jeho prěni wuslědk, komedija za šěsć wosobow, kiž je so mjeztym wjacekróć předstajiła. Městno čina je jednora, stara, njezrumowana korčma, w běhu šěsć aktow so wona stajnje přemeblěruje, štož tež rěka: Wona so přeco lěpje zarjaduje. Nad tejku wisa křiwje wobswětlene hesło »Witajće k nam«, ale dokelž jedna so wo wotležanu wjes njedaloko Berlina, přijimuje zwudowjeny hosćićel Hinc nastajnosći samsnych třoch hosći: plahowarja swini, wowčerja a biobura. Jim zhromadny je samsny eksistencielny deficit: Kóždy z nich by rady žonu měł. Kak by so tole snadź radźić móhło – runje to je tema serbskorěčneje turnejoweje inscenacije přez cyłe 90 mjeńšin (bjez přestawki).

Galerija

Gelesen 1527 mal Letzte Änderung am njedźela, 01 nowembera 2020 01:00