Diese Seite drucken

Zynk něhdyšich domow

artikl hódnoćić
(0 )

zynk něhdyšich domow nošu we sebi

drjewo wrotow majka mój słuch

a běłosć škleńčanych wočow jelenja

kotryž nad zachodom wisa wupjelnja

přeco časćišo moje sony

wopojenosć njezapomniteho procha

šćipa kwětki w staromódnych zahrodach

w kotrychž kročele křipja

kaž na drjewjanych špundowanjach skromnje wuhotowanych

kóždy raz hdyž sym sam

wobkružu swój něhdyši dom

w kotrymž bych će rady widźał jenički raz

poměrnje a woměrje

zo by mi na přeco dosahało

mój něhdyši dom

natwarić njeje dosahało

kaž twojim pohladnjenjam njedosahaše

mje widźeć

mój něhdyši dom

w kotrymž swoje dźěćatstwo schowach

prjedy hač woteńdźech

a do kotrehož wjace nutř njepřińdźech

ženje wjac

Temeswar, 1977 Traian Pop Traian

do serbšćiny přebasniła: Dorothea Šołćina

Galerija

Gelesen 191 mal Letzte Änderung am štwórtk, 01 septembera 2022 07:35