Diese Seite drucken

Słódna twoja dolina

artikl hódnoćić
(0 )

Włóžna słódna dolina

žanej hańby fałdki škałbička.

Wóń bjezčasneho žiwjenja

na płachće dwumyslneho jězora.

Twój slinojty jazyčk třepota,

w lěsu włosow lesnička.

K tomu mjeta krasny posledk žołmy.

Nadra třasu so kaž kolebace čołmy.

Majkać, hacać tajne blečki,

čuchać, srěbać sólne rěčki.

Blisko, hłuboko w twojim klinje,

so honić z tobu bjez wědy někajkeje winy.

ŠĆĚPAN RIČEL

Galerija

Gelesen 728 mal Letzte Änderung am štwórtk, 01 oktobera 2020 01:59