Diese Seite drucken

Městno za murju

artikl hódnoćić
(0 )

za Lubošom Přihodu

murja

do kotrejež sy rěčał

je so rozdźěliła

za twojimi słowami je telko ruma

tam nichtó nječaka

rum ćeče k nam

spóžěra naše mysle

a wróći je

wučisćene

kaž karp z twojeje basnje

steja dale so spěrajo w zběrniku

wobě pjericy złamanej

bychmy sej přeli

nic spóžrjeni być

a nic wuplunjeni

hórki kus być

we wodźiwjenej přitomnosći

nic prosće přitomni

zo bychu na nas dźiwali

hdyž nastajimy so

na wotchad

Galerija

Gelesen 2375 mal Letzte Änderung am pjatk, 25 januar 2019 07:36