Gerald Große – Bohata hasa, Budyšin, 1983
W Halle a Wienje bydlacy a skutkowacy fotograf Gerald Große, kotryž swjeći w decembrje swoje 80. narodniny, je lětdźesatki dołho ze swojimi, zdźěla mytowanymi fotowymi zwjazkami kaž »Łužiske impresije« (1972), »Moja łužiska turneja« (1976) abo »Ducy po Błotach« (1990) wobličo Ludoweho nakładnistwa Domowina sobu postajował a mjez druhim Łužicu a jeje wobydlerjow na wobrazach zwěčnił. Tak ma podźěl na stawiznopisu fotografije. Tež nasćěnowej protyce »Křinja« (1975–1999) a »Lausitz – Łužica – Łužyca« (2000–2013) měještej krute městno w mnoho domjacnosćach kraja. Pod titulom »Wosudy wobrazow« wěnuje so Große klětu w Rozhladowej seriji dotal njewobkedźbowanym wobrazam jeho tworjenja.
