Jan Buk– Agrarne lětadło, 1979, wolij na płatnje, 92,1 cm x 122,6 cm, Serbski muzej, Budyšin
Jan Buk narodźi so 2. awgusta 1922 w Njebjelčicach. Nawukny najprjedy powołanje dekoraciskeho molerja, prjedy hač studowaše na Wyšej šuli tworjaceho wuměłstwa we Wrócławju, štož měješe za jeho wosobinske a wuměłske wuwiće wulki wuznam. W lěće 1950 přeńdźe na Wysoku šulu za tworjace wuměłstwo w Drježdźanach, po tym bě wučer za wuměłske kubłanje. Wot 1976 skutkowaše jako swobodny wuměłc, najprjedy w Budyšinje, pozdźišo w domoródnych Njebjelčicach. Buk wobhladuje so jako najwuznamniši serbski moler nowšeho časa. Zemrě 1. apryla 2019 w Chrósćicach. Sam měnješe: »Wuměłstwo ma wotewrjene być. Jako wuměłc maš so stajnje sam měnjeć. Cil nihdy njedocpěješ. Kóždy wobraz je nowy započatk.«
