NAŠ TITULNY WOBRAZ: Jürgen Maćij

Jürgen Maćij – Hórnikecy (wjeršk točidła z ćernjowku), 2020, kašěrowany injektowy ćišć, 60,0 × 80,0 cm

Jürgen Maćij Hórnikecy (wjeršk točidła z ćernjowku), 2020, kašěrowany injektowy ćišć, 60,0 × 80,0 cm

Hižo wjace hač 40 lět steji Łužica we wšěch jeje fasetach w srjedźišću skutkowanja fotografikarja Jürgena Maćija (*1953). Hač wšědny dźeń a swjedźenje, nałožki, towaršnostne změny abo radikalne přetworjenje krajiny brunicy dla, wšitko je zapopadnył a so tak z chronistom našeho časa stał. Nimo toho je jako wudawaćel wšelakich publikacijow stawizny łužiskeje fotografije a jeje protagonistow wot jeje spočatkow hač do dźensnišeho wotkrywał a dokumentował. Lětsa­ je jeho publikacija »Tief im Osten. Die Lausitz im Wandel 1976–2020« (hlej str. 25) wušła. Titulny wobraz pokazuje zawostajenstwo něhdyšeho zawoda a kak sej jón přiroda zaso přiswoja.