Robert Lorenc (*1977) wotrosće we Wuježku pod Čornobohom. Po studiju europskeje etnologije, bohemistiki a psychologije w Berlinje, Brnje a Praze skutkowaše jako swobodny awtor, kurator wustajeńcow a etnologa. W swojej disertaciji, kotraž wuńdźe 2018, zaběra so ze šleskej identitu města Zhorjelca po 1990. Nimo toho je Arnošta Mukowu »Statistiku łužiskich Serbow« do němčiny přełožił a 2019 wudał. Lorenc je wědomostny sobudźěłaćer Serbskeho instituta w Budyšinje a bydli w Zhorjelcu.
Nimo swojeho wědomostneho skutkowanja je wón jako awtor esejistiskich tekstow a pućowanskich rozprawow kaž tež jako fotograf znaty. Zajimcy nańdu jeho twórby jako blog pod https://brotlos.weebly.com abo móža jemu na Twitter sćěhować (https://twitter.com/boblinger77).