Yvonne Most narodźi so 1981 w Durinskim Sondershausenje a skutkuje dźensa jako fotografka a docentka za fotografiju w Halle w Durinskej. Wot 2008 do 2010 studowaše Most na Berlinskej Ostkreuzschule za fotografiju a wuhotowanje, 2012 wotzamkny masterski studij fotografije na wuměłskej wysokej šuli »Burg Giebichenstein« w Halle. Za swoje fotografiske dźěło bu ze stipendijemi a mytami wuznamjenjena, mjez druhim 2013 z Europskim nowinskim mytom we wobłuku fotowych reportažow.