Słowjenska wuměłča Nika Autor studowaše na Akademiji tworjaceho wuměłstwa w Ljubljanje (BA a MA) a promowowaše we wuměłsko-wědomostnym slědźerskim studiju wo wuměłskej praksy na Wienskej Akademiji tworjaceho wuměłstwa. Jeje wuměłske tworjenje wopřijima předewšěm eksperimentelne wideja a dokumentarne filmy, filmowe eseje, powěsćowy format (newsreel) a widejowe a filmowe instalacije w rumje. W srjedźišću steji dodnjenje njewidźomneho a njesłyšomneho w zwisku ze zakrytymi temami zabyteje zašłosće a podušeneje přitomnosće. Jeje dźěła su wusměrjene na tworjenje wěstych wobrazow, konkretne formy kolektiwneho pomjatka kaž tež na wosobinske/ertne naratiwy a rozestajeja so z azylowej a migraciskej politiku, z prawami dźěłaćerjow a wopomnjenskej politiku. Nika Autor je čłonka njeformalneho kolektiwa »Obzorniška Fronta« (Newsreel Front), kotryž zaběra so z filmowej teoriju a wuměłskej praksu.