Mario Ošika – Słónčna róža (poslednja reja), wolij, 2008, 100 × 80 cm.
We Worklecach bydlacy moler a grafikar je wučer w Pančicach-Kukowje. Hižo jako dźěćo a młodostny běše Ošika swoje wjeselo w zaběrje z molowanjom a rysowanjom namakał. Tuž rozsudźi so za studij wučerstwa mjez druhim z předmjetom wuměłske kubłanje a přizamknje 1998 na Drježdźanskej Techniskej uniwersiće dalokostudij wuměłstwa. Serbska domizna je za wuměłca wobstajne žórło inspiracije. Łužiske krajiny, wsy a města nadeńdźeš w jeho twórbach runje tak zwobraznjene kaž serbske nałožki, žony w narodnych drastach a portrety. Mario Ošika je wěriwy křesćan, tuž rozestaja so w swojim wuměłskim tworjenju z křesćanskimi temami.
