William Edmund Krause – »Čakajo« (»Erwartung«).
Wolijowa mólba (95 × 75 cm) z lěta 1908.
Twórba, kotraž je w priwatnym wobsydstwje, pokazuje Nowoměšćansku družku.
William Edmund Krause (1875–1925) běše Drježdźanski moler. Wjacore lěta dołho přebywaše a tworješe w Slepjanskej wosadźe, inspirowany wot burskeho žiwjenja, pobožnosće, wšelakorosće drastow a nałožkow tamnišich Serbow. W našim zešiwku namakaće přinošk wo twórbach a wo skutkowanju molerja wokoło Slepoho, na kotrehož spominamy składnostnje jeho lońšich 100. posmjertnin.
