Eva Gaeding – Acker, 2014, wodowa barba na papjerje, 12,5 × 18 cm
Rodźena Budyšanka Eva Gaeding (*1982) nańdźe motiwy za swoje twórby husto ducy po puću, tež w Hornjej Łužicy, dokal so přeco rady nawróći. Po studiju na Lipšćanskej Wysokej šuli za grafiku a knižne wuměłstwo pola Sigharda Gille a Ulricha Hachully, hdźež wusměri so wosebje na ćišćanu grafiku, a po mišterskim studiju wuwučowaše na wječornej akademiji Wysokeje šule za grafiku a knižne wuměłstwo. Gaeding wobdźěli so na mnoho wustajeńcach, předewšěm w Němskej. Wot 2014 skutkuje nimo toho jako swobodna awtorka. Wona bydli w Lipsku.
